ფეხბურთი

16:15 | 11.09.2020 | ნანახია [] - ჯერ

აგენტი: "ლოკომოტივს" კვარაცხელია არ სჭირდება, რადგან რიბჩინსკი ჰყავს"

საფეხბურთო აგენტმა თემურ ღურწკაიამ ხვიჩა კვარაცხელიას შესახებ ისაუბრა და გავრცელებული ხმების შესახებ, რომლის თანახმად ჩვენებურის დასაბრუნებლად მოსკოვის „ლოკომოტივი“ მზადაა 15 მილიონი ევრო გაიღოს, კომენტარი გააკეთა.

ღირწკაია ფიქრობს, რომ მოსკოვის „ლოკომოტივს“ ახლა კვარაცხელია არ სჭირდება, რადგან 22 წლის დმიტრი რიბჩინსკი ჰყავს.

„ჩემი აზრი ასეთია: „ლოკომოტივიდან“ ხვიჩას წასვლა დიდი შეცდომა იყო, მაგრამ დღეს დმიტრი რიბჩინსკი ერონული ნაკრების კარზე აკაკუნებს. ამ ბიჭის შესახებ არავინ იცოდა. დღეს ხვიჩა ულამაზეს შემტევ ფეხბურთს თამაშობს, მაგრამ არ ვფიქრობ, რომ ეს „ლოკომოტივს“ სჭირდება. ეს არ არის ფულის საკითხი, უბრალოდ გუნდს შეუძლია ალექსეი მირანჩუკის შემცვლელი საკუთარი აკადემიიდან შეავსოს. ვფიქრობ, რომ კვარაცხელიაში 15 მილიონის ნახევარიც კი არ უნდა გადაიხადონ. ეს ჭორები მხოლოდ იმიტომ ვრცელდება, რომ თავის დროზე „ლოკომოტივმა“ მასში 3 მილიონი არ გადაიხადა და ახლა 15 მილიონს იხდის.

ხვიჩაზე დიდი ავანსები იცემა, რადგან შემტევ ფეხბურთს თამაშობს, მაგრამ თუ სტატისტიკას გადავხედავთ, ვნახავთ, რომ მისი და რიბჩინსკის გოლი+პასის სისტემა დაახლოებით ერთნაირია. ის ფაქტი, რომ დღეს ეს ბიჭი „ლოკომოტვიშია“ (რიბჩინსკი - რედ), ცხადყოფს, რომ მათი აკადემიის წევრებს მთავარ გუნდში თამაში შეუძლიათ. ამიტომ, არ ღირს უცხოელის მოყვანა, რადგან ასეთი ბიჭები გამოჩნდნენ“, - თქვა ღურწკაიამ.

შეგახსენებთ, ხვიჩა კვარაცხელიამ მოსკოვის „ლოკომოტივში“ 2019 წელს 10 მატჩში 1 გოლი გაიტანა, შემდეგ „რუბინში“ გადავიდა და გასულ სეზონში რუსეთის პრემიერლიგის საუკეთესო ახალგაზრდა ფეხბურთელად დასახელდა.

0.131222