„ბარსელონას“ მადრიდის „ატლეტიკოდან“ ჟოაო ფელიქსის დამატება სდომებია და სანაცვლოდ ანტუან გრიზმანს უთმობდა. ინფორმაციას მადრიდული გამოცემა Marca ავრცელებს.
როგორც გავლენიანი წყარო წერს, „ბაიერნთან“ განადგურების (2:8) შემდეგ ხოსეპ მარია ბართომეუ „ატლეტიკოს“ წარმომადგენლებს დაუკავშირდა და ფელიქსი-გრიზმანის ბარტერი შესთავაზა. ეს გარიგება „ბარსასთვის“ ფინანსურადაც მომგებიანი იქნებოდა, რადგან გრიზმანის ხელფასი კატალონიაში 20 მილიონი ევროა, ხოლო პორტუგალიელი მადრიდში მხოლოდ 4 მილიონს გამოიმუშავებს.
„ატლეტიკოს“ ხელმძღვანელებმა ბართომეუს წინადადადება უარით გაისტუმრა და ყოფილი ფეხბურთელის დაბრუნება არ ისურვეს, რომელიც გასულ ზაფხულს დიდი მითქმა-მოთქმის შემდეგ 126 მილიონ ევროდ გაყიდეს კატალონურ გრანდში, მის შემცვლელად კი სწორედ ჟოაო ფელიქსი მოიყვანეს.
თუმცა, 2019-2020 წლების სეზონში ვერცერთმა ფეხბურთელმა მოლოდინი სრულად ვერ გაამართლა. ეს განსაკუთრებით გრიზმანზე ითქმის, რომელიც „ბარსელონას“ ვერ შეეწყო და ძალიან ცუდი სეზონი ჩაატარა.
