ესპანეთის ეროვნული ნაკრების ყოფილი მეკარე იკერ კასილიასი მადრიდის "რეალში" ბრუნდება და კლუბის პრეზიდენტის ფლორენტინო პერესის მრჩეველი გახდება. აღნიშნული ინფორმაცია Marca-მ გაავრცელა.
ესპანური გამოცემა იუწყება, რომ კასილიასის კლუბში დაბრუნების შესახებ ინფორმაცია ოფიციალურად სეზონის დასრულების შემდეგ გაირკვევა და ასევე გახდება ცნობილი, კონკრეტულად რა სამუშაო ექნება იკერს მშობლიურ კლუბში - შესაძლოა ესპანელი კლუბის ელჩიც გახდეს.
კასილიასი "სამეფო კლუბის" აკადემიის აღზრდილია და პირველ გუნდში 1999 წლიდან თამაშობდა. იკერმა "რეალი" 2015 წელს დატოვა და ბოლო წლები "პორტუში" გაატარა. გასულ წელს ესპანელმა გულის შეტევა მიიღო და ივლისში კარიერა დაასრულა. "რეალის" მაისურით კასილიასმა 725 მატჩი ჩაატარა და 750 გოლი გაუშვა.
