"სან ხოსეს" ქართველი შემტევი ვაკო ყაზაიშვილის MLS-ის 12 ყველაზე ტექნიკურ ფეხბურთელთა შორის შეიყვანეს. ნიშანდობლივია, რომ ჩვენებური ისეთი ცნობილი მოთამაშეების გვარდით დააყენეს, როგორებიც ნანი, ჯონათან დოს სანტოსი, მაქსი მორალესი, ნიკოლას ლოდეირო, ალეხანდრო პოსუელო და კარლოს ველა არიან.
"აქ არის რაღაც, რაც შესაძლოა არ იცოდეთ: გასულ სეზონში "სან ხოსეს" შემტევმა ლიგაში ყველაზე მეტი წარმატებული დრიბლინგი განახორციელა, მიუხედავად იმისა, რომ მეორე ადგილზე გასულ კარლოს ველასთან შედარებით 800 წუთით ნაკლები ითამაშა. ამ ფაქტურის გარდა, შესანიშნავი დარტყმა აქვს, მაგრამ ხშირად, როდესაც ლიგის საუკეთესო ფეხბურთელებზე საუბრობენ, ქართველი ავიწყდებათ", - წერს MLSSoccer-ი.
შეგახსენებთ, ვაკო ყაზაიშვილი "სან ხოსეს" 2017 წელს შეუერთდა და 82 მატჩში 26 გოლი აქვს გატანილი.
