ფეხბურთი

20:25 | 11.03.2020 | ნანახია [] - ჯერ

ოფიციალურად: ევროპა ლიგის ორი მატჩი გადაიდო

ევროპა ლიგის ორი მერვედფინალური მატჩი გადაიდო. როგორც უეფას ვებგვერდი ოფიციალურად იტყობინება, „ინტერი“ – „ხეტაფე“ და „სევილია“ – „რომა“ არ გაიმართება.

გაურკვეველი ვადით გადაიდო და ამის მიზეზი კორონავირუსის საფრთხეა. აღსანიშნავია, რომ უეფას ამ განცხადებას წინ სხვა მოვლენებიც უძღოდა.

„ხეტაფეს“ პრეზიდენტმა ანხელ ტორესმა ჯერ კიდევ დღის განმავლობაში განაცხადა, რომ უეფას გადაწყვეტილების მიუხედავად, მისი გუნდი მილანში სათამაშოდ არ წავიდოდა. „რომამ“ კი საკუთარ ვებგვერდზე დაწერა, რომ შეჩერებული ფრენების გამო ესპანეთში ვერ გაემგზავრა.

აქვე გეტყვით, რომ დანარჩენი ექვსი მატჩი ამ დროის მონაცემებით ჩვეულ რეჟიმში უნდა გაიმართოს.

0.113003