მიმდინარე სეზონში „კალიარი“ შესანიშნავად თამაშობს და ევროპა ლიგის ზონაში იმყოფება. სარდიული გუნდის წარმატების ერთ-ერთი შემოქმედი ჟოაო პედროა, რომელიც გუნდის ლიდერი და საუკეთესო ბომბარდირია.
ბრაზილიელმა თავდამსხმელმა განაცხადა, რომ სერია A-ში თამაში ძალიან რთულია და ამას კრიშტიანუ რონალდუს ნაჩვენები შედეგებიც ადასტურებს.
„იტალიის ჩემპიონატი ძალიან რთულია. ეს ძალიან ტაქტიკური ტურნირია. ისტორიაში ერთ-ერთმა უდიდესმა ფეხბურთელმა კრიშტიანუ რონალდუმ ესპანეთში 40 გოლი გაიტანა, ხოლო იტალიაში 25“, - თქვა ჟოაო პედრომ.
აღსანიშნავია, რომ ამ დროისთვის პედროს სერია A-ში 11 გოლი აქვს გატანილი, რონალდუს კი 10.
