გენუის „სამპდორიას“ გუნდი კაპიტან ფაბიო კუალიარელას ახალი კონტრაქტი გაუფორმა. როგორც ლიგურიელთა ვებგვერდი იტყობინება, ვეტერანი იტალიელი გუნდში 2021 წლის 30 ივნისამდე დარჩება.
ამრიგად, 36 წლის ფორვარდი გენუაში კიდევ ერთ სეზონს გაატარებს. კუალიარელა „სამპდორიაში“ ჯერ კიდევ 2006-2007 წლების სეზონში თამაშობდ ადა 42 მატჩში 14 გოლი გაიტანა.
„ლუიჯი ფერარისზე“ ფაბიო 2016 წლის იანვარში დაბრუნდა. მას შემდეგ 184 მატჩში თავი 78-ჯერ გამოიჩინა, გასულ სეზონში კი საერთდაც სერია A-ს ბომბარდირი გახდა 37 თამაშში გატანილი 26 გოლით. რაც შეეხება მიმდინარე სეზონს, კუალიარელამ 12 მატჩში 3 გოლის გატანა შეძლო.
