ბილბაოელებთან პირველ ტაიმში, სლოვენიელმა კარის დარაჯმა, იან ობლაკმა რამდენჯერმე გადაარჩინა „ატლეტიკო“ და ამან ჯამში, ერთობ სასიკეთოდ იმოქმედა დიეგო სიმეონეს შეგირდებზე.

მეორე ტაიმში მათ აშკარად აჯობეს სტუმარ ბასკებს და ეს უკვე კარგი ნიშანი იყო არგენტინელი დამრიგებლისთვის. თორემ სტაბილურობა აკლდათ მადრიდელებს ბოლო დროს, შემადგენლობასაც ხშირად ცვლიდნენ.

თუმცა. აქ ერთ გარემოებას უნდა გავუსვათ ხაზი. სტუმრები ვერც დაცვაში იდგნენ ყოჩაღად და ვერც შეტევაში მიდიოდნენ ხალისით.

საულს დუბლის შესრულებაც შეეძლო, მაგრამ კომპენსირებულ დროში ვერ ივარგა.

ახლა „ატლეტიკო“ ლიდერ „ბარსელონას“ ქულებით გაუთანაბრდა, მაგრამ თამაშით მეტი აქვს ჩატარებული.

ესპანეთი

პრიმერა. მე-10 ტური. 26 ოქტომბერი

ატლეტიკო - ბილბაო 2:0

მადრიდი. „ვანდა მეტროპოლიტანო.“ 59 211

1:0 საული (28), 2:0 მორატა (64)

ატლეტიკო: ობლაკი, ტრიპიერი, ფელიპე, ერმოსო, ლოდი, ტომასი, საული, კოკე, ლემარი (ვიტოლო 77), კორეა (ერერა 66), მორატა (კოშტა 67)

მწვრთნელი: დიეგო სიმეონე

ბილბაო: სიმონი, კაპა (დე მარკოსი 79), ნუნიესი, მარტინესი, ბერჩიჩე, გარსია, ლოპესი, მუნიაინი, კორდობა (გომესი 56), გარსია, უილიამსი (ადურისი 67)

მწვრთნელი: გაისკა გარიტანო

მსაჯი: ალეხანდრო ერნანდესი

გაფრთხილება: საული (42), კორეა (44); გარსია (72), სიმონი (83)

ლეგანესი - მალიორკა 1:0

1:0 ბრეითუაითი (31)

ვალიადოლოდი - ეიბარი 2:0

1:0 სერხი გვარდიოლა (10), 2:0 სალისუ (39)