გუშინ მსოფლიოს ორგზის ჩემპიონის, კაფუს ოჯახში უბედურება მოხდა. საღამოს, ბარუერიში, „რომასა“ და „მილანის“ ყოფილი მცველის, კაფუს 29 წლის ვაჟი გარდაიცვალა - წერს Globo Esporte. დანილოს მეგობრებთან ფეხბურთის თამაშის დროს გულის შეტევა დაემართა.
ის სასწრაფოდ წაიყვანეს ჰოსპიტალში, მაგრამ გზად გული გაუჩერდა, რომელიც ვეღარ გადაიტანა. ეს ამბავი კაფუს ყოფილმა პარტნიორმა ბრაზილიის ნაკრებში, პაულო სერჟიომაც დაადასტურა.
შეგახსენებთ, რომ კაფუ ბრაზილიის ეროვნულ გუნდთან ერთად, ორჯერ გახდა მსოფლიოს ჩემპიონი 1994 და 2002 წლებში. ის პირველი და ერთადერთი ფეხბურთელია, რომელმაც ზედიზედ სამი მუნდიალის ფინალში ითამაშა - 1994, 1998, 2002.
