„მანჩესტერ იუნაიტედი“ იძულებული იქნება ალექსის სანჩესს 40 მილიონი ევრო გადაუხადოს, თუკი ის მილანის „ინტერში“ გადავა. მხარეებმა უკვე მოილაპარაკეს და იტალიელებს ჩილელის გაფორმება მომავალ უქმეებამდე სურთ.

მოსალოდნელია, რომ „ინტერი“ სანჩესს იჯარის წესით აიყვანს, მომავალი გამოსყიდვის უფლებით. ეგ არის, „ნერაძური“ მზადაა სანჩესს კვირაში ჯამაგირად 150 ათასი გირვანქა (დაახლოებით 163 ათასი ევრო) გადაუხადოს. თუკი ის ხანგრძლივ კონტრაქტს გააფორმებს. ჩილელი კი დღესდღეობით „მანჩესტერში“ კვირაში 500 ათას გირვანქას (546 ათასი ევრო) გამოიმუშავებს. ამიტომ, Daily Mail-ის ცნობით, მანჩესტერული კლუბი იძულებული იქნება ორი წლის განმავლობაში ხელფასის დანარჩენი ნაწილი სანჩესს თავად გადაუხადოს, რაც ჯამში 40 მილიონი ევრო გამოვა.