ლეგენდარულმა ჰოლანდიელმა ფეხბურთელმა არიენ რობენმა საფეხბურთო კარიერა დაასრულა. ამის შესახებ ჰოლანდიის ერედივიზიონის ოფიციალური ვებგვერდი იტყობინება.

35 წლის რობენს წინადადებები ჩინეთიდან, იაპონიიდან, ამერიკიდან, „გრონინგენიდან“ და პსვ ეინდჰოვენიდან ჰქონდა, მაგრამ ჰოლანდიელმა შემტევმა ბუცების ლურსმანზე ჩამოკიდება გადაწყვიტა.

„ბოლო კვირების განმავლობაში ბევრი ვიფიქრე. როგორც ყველამ იცის, შეგნებულად ვითხოვე დრო, რომ ჩემი მომავლის შესახებ გააზრებული გადაწყვეტილება მიმეღო. გადავწყვიტე, რომ საფეხბურთო კარიერა დავასრულო. ეს ჩემს ცხოვრებაში ყველაზერთული გადაწყვეტილება იყო, მაგრამ 16 წლის ბიჭი აღარ ვარ“, - უთხრა რობენმა NOS-ს.

არიებ რობენის საფეხბურთო კარიერა 2000 წელს „გრონინგენში“ დაიწყო, სადაც ორი სეზონი გაატარა, შემდეგ კი პსვ ეინდჰოვენს შეუერთდა. ფილიპსელებში წარმატებლად ჩატარებული ორი წლის შემდეგ კი ლონდონის „ჩელსის“ მაიური მოირგო, რასაც მადრიდის „რეალი“ მოჰყვა.

ინგლისსა და ესპანეთში არცთუ წარმატებული ბურთაობის შემდეგ ჰოლანდიელი 2009 წელს, მიუნხენის „ბაიერნის“ ფეხბურთელი გახდა, სადაც 2019 წლამდე ითამაშა და კლუბის ლეგენდა გახდა.

ჰოლანდიის ეროვნულ ნაკრებში არიენმა 2003-2017 წლებში 96-ჯერ ითამაშა და 37 გოლის გატანა მოახერხა.