„მანჩესტერ სიტის“ ნახევარმცველმა, ლეროი სანემ, „ბაიერნის“ წინადადება უარყო და ინგლისურ კლუბში რჩება - გვამცნობს Süddeutsche Zeitung. წყაროს მტკიცებით, ფეხბურთელს რამდენიმე კვირის წინათ უცნობებია მიუნხენური კლუბისთვის თავისი გეგმების შესახებ. არადა, ბავარიელები მის ტრანსფერში სოლიდური თანხის გადახდას აპირებდნენ.

სანე „ბაიერნში“ 2016 წელსაც შეიძლება აღმოჩენილიყო, მაგრამ მაშინ მიუნხენელებმა უარი თქვეს გარიგებაზე, რითიც ფეხბურთელი ერთობ გაანაწყენეს.

იმავე წელს სანე „შალკედან“ „სიტიში“ გადავიდა. მისი ტრანსფერი 50,5 მილიონი ევრო დაჯდა.