უეფას ევროპა ლიგაზე ქუთაისის „ტორპედოს“, „დინამო თბილისისა“ და საჩხერის „ჩიხურას“ სავარაუდო მეტოქეთა რაოდენობა ხუთამდე შემცირდა. როგორც უეფას ვებგვერდი ოფიციალურად იტყობინება, ქუთათურები მეორე ჯგუფში მოხვდნენ, სადაც 5-5 განთესილ-განუთესავი გუნდი განთავსდა.

ისინი ხვალ შვეიცარიის ქალაქ ნიონში გასამართ წილისყრისას დაწყვილდებიან. „ტორპედოს“ სავარაუდო მეტოქეთა ჩამონათვალი კი ასეთია:

„ჰაიდუკი“ (ხორვატია), „ლეგია“ (პოლონეთი), ცსკა (ბულგარეთი), „რადნიჩკი“ (სერბეთი), „ორდაბასი“ (ყაზახეთი)

„ჩიხურა“ მეექვსე ჯგუფში მოხვდა, როგორც განუთესავი და მისი მეტოქე შემდეგი განთესილი გუნდებიდან ერთ-ერთი იქნება:

„სპარტაკი“ (სლოვაკეთი), „ჟალგირისი“ (ლიეტუვა), „ფოლა“ (ლუქსემბურგი), „ალაშკერტი“ (სომხეთი), „ოლიმპია“ (სლოვენია)

რაც შეეხება „დინამო თბილისს“, მოგეხსენებათ, განთესილია და მეშვიდე ჯგუფში მოხვდა, სადაც განუთესავ გუნდს დაუპირისპირდება. სავარაუდო მეტოქეთა ხუთეული კი ასეთია:

„ტეუტა“ (ალბანეთი), „ფიორიტა“ (სან მარინო)/“ენგორდანი“ (ანდორა) წყვილში გამარჯვებული, „შიროკი ბრიეგი“ (ბოსნია), „დუნაისკა სტრედა“ (სლოვაკეთი), „კაუნო ჟალგირისი“ (ლიეტუვა).

აქვე გეტყვით, რომ ევროპა ლიგის წილისყრა 18 ივნისს, თბილისის დროით 17:30 საათზე გაიმართება.