ინდოეთის ქალაქ დელიში მიმდინარე ტრადიციულ საერთაშორისო ტურნირზე მე-2 ტურის პარტიები მიილია. ქულათა მაქსიმუმით 56 მოჭადრაკე დაწინაურდა, რომელთა შორის ლევან ფანცულაიაც (2597) გახლავთ.
მე-3 ნომრად განთესილმა ქართველმა მოჭადრაკემ თეთრებით მასპინძელი სეშადრი სრიჯა (2210) დაამარცხა, მე-3 ტურში კი შავებით ძალებს ავსტრალიელ რიში სარდანასთან (2398) მოსინჯავს.
დღესვე თეთრი ფიგურებით ყაიმი გააფორმა ლუკა პაიჭაძემ (2583), რომლის მეტოქე ინდოელი მიშრა ბაივაბი (2196) იყო. ქართველის აქტივში 1.5 ქულაა და ის დამატებითი მაჩვენებლებით 58-ეა, ხვალ კი შავებით კიდევ ერთ მასპინძელ ბალასუბრამანიამ რამნატანს (2191) ეთამაშება.
