ვეტერანი კამერუნელი ფეხბურთელი სამუელ ეტო’ო, რომელიც ამჟამად საფეხბურთო კლუბ „ყატარში“ თამაშობს, მწვრთნელობას აპირებს.

37 წლის თავდამსხმელის განცხადებით, მიუხედავად იმისა, რომ ფერადკანიან მწვრთნელებს ევროპაში მეორე კლასის წარმომადგენლებად განიხილავენ, უნდა სამწვრთნელო კარიერა დაიწყოს.

„ფერადკანიან მწვრთნელეს გუნდებში არ იწვევენ, რადგან განიხილებიან, როგორც მეორე კლასის წარმომადგენლები. ბევრმა ფერადკანიანმა ფეხბურთელმა მწვრთნელობაზე უარი სწორედ ამიტომ თქვა, მიუხედავად იმისა, რომ ეს საქმიანობა აინტერესებდათ. რა თქმა უნდა, ბევრი აფრიკელი კვალიფიციური მწვრთნელია, მაგრამ მათ სხვებისგან განსხვავებით არ ენდობიან.

მიუხედავად ყველაფრისა, მწვრთნელობას ვაპირებ. როგორც ფეხბურთელმა ევროპაში ბევრ გამარჯვებას მივაღწიე და შესაბამისად, მწვრთნელის რანგშიც შემიძლია იგივეს გაკეთება“, - განუცხადა ეტო’ომ Marca-ს.

შეგახსენებთ, რომ ეტო’ოს არაერთ ევროპულ გუნდში უთამაშია, ხოლო კარიერის საუკეთესო წლები „მალიორკაში“, „ბარსელონასა“ და „ინტერში“ გაატარა.