პორტუგალიის ნაკრების მცველმა პეპემ სტამბოლის „ბეშიქთაში“ დატოვა. აღნიშნულ ინფორმაციას თურქული გუნდის ვებგვერდი ოფიციალურად ადასტურებს.

35 წლის ფეხბურთელსა „არწივებთან“ კონტრაქტი მიმდინარე სეზონის ბოლომდე აკავშირებდა, მაგრამ 6 თვით ადრე ორმხრივი შეთანხმების საფუძველზე გაწყდა.

აღსანიშნავია, რომ „ბეშიქთაშს“ ფინანსური კრიზისი აქვს და პეპემ ეს ნაბიჯი ამიტომ გადადგა. ესპანური Marca-ს ინფორმაციით, პორტუგალიელი ფეხბურთელი გამოვიდა ინიციატივით, რომლის მიხედვითაც ის ხელფასი, რომელიც მას დარჩენილ 6 თვეში უნდა აეღო, „ბეშიქთაშის“ თანამშრომლებს მოხმარდებათ.

• პეპე ოქროს გულით: პორტუგალიელი "ბეშიქთაშის" თანამშრომლებს საკუთარი ხელფასით დაეხმარება

პეპე თურქული გუნდის ღირსებას 2017 წლიდან იცავდა და ამ დრომდე 52 შეხვედრაში 7 გოლის გატანა მოახერხა. პორტუგალიელს იანვარში თავისუფალი აგენტის სტატუსით სასურველ გუნდში გადასვლა უსასყიდლოდ შეეძლება.