ბელგიური „გენტი“ „შარლერუას“ 24 წლის შემტევი ნახევარმცველის, კრისტიან ბენავენტეს შეძენას გეგმავს. გამოცემა Voetbalkrant-ი წერს, რომ სამხრეთ ამერიკელი „გენტში“ ჩაკვეტაძის დამხმარედ ესახებათ.

„გენტს“ დამხმარე სჭირდება. გუნდი 19 წლის გიორგი ჩაკვეტაძეზე მეტისმეტადაა დამოკიდებული“, - წერს გამოცემა.

საინტერესოა, რომ ბენავენტეს დამატება ბრიუსელის „ანდერლეხტსაც“ სურს, მაგრამ „შარლერუა“ მასთან შელევას ზაფხულამდე არ აპირებს. ბელგიური მედია კი წერს, რომ პერუელი გიორგისთან ერთად სათამაშოდ სჭირდებათ, მაგრამ არაა გამორიცხული, რომ მის შემცვლელადაც მოაზრებოდეს. მოგეხსენებათ, ჩაკვეტაძე ბოლო დროს არაერთ ევროპულ გრანდს დაუკავშირეს.

გარდა ამისა, წყაროს ცნობით, „გენტი“ ზამთარში გამთამაშებელისა და ფორვარდის დამატებას გეგმავს. ეს იმ კუთხითაა საინტერესოა, რომ ბელგიურ გუნდში ქართველი ფორვარდი, გიორგი ქვილითაია ირიცხება, რომელმაც ვარჯიში ახლახან განაახლა და თამაშს დიდი ალბათობით, 2019 წლიდან მოახერხებს.

რაც შეეხება 24 წლის კრისტიან ბენავენტეს, პერუს ნაკრებში 16 მატჩი აქვს ჩატარებული და ორჯერ გოლის გატანაც მოახერხა.