მადრიდის „რეალში“ ანტონიო კონტეს ელოდებიან. იტალიელის გარდა, მედიაში გაიჟღერა ჟოზე მოურინიოს სახელმაც. ესპანური გამოცემა El Pais-ი კი იტყობინება, რომ ‘სამეფო კლუბის“ კიპერი ტიბო კურტუა ასეთ შემთხვევაში უკმაყოფილო იქნება.
კურტუა „რეალის“ ფეხბურთელებს შორის ერთადერთია, რომელსაც კონტესთანაც უმუშავია და მოურინიოსთანაც. გამოცემა ფეხბურთელის საუბარს აქვეყნებს თანაგუნდელებთან:
„არ შემიძლია დაჯერება. მე ერთადერთი ვარ, რომელმაც ორივესთან ვიმუშავე. ლონდონი ამიტომაც დავტოვე, რომ აღარ მსურდა მათი ნახვა ახლა კი, გამოდის, რომ ან კონტე მოვა, ან მოურინიო“, - წერს გამოცემა ბელგიელის სიტყვებს.
შეგახსენებთ, რომ კურტუა თავის დროზე „ჩელსიში“ სწორედ მოურინიომ მიიწვია, ხოლო შემდეგ ანტონიო კონტეც გამუდმებით ენდობოდა. ჯერჯერობით, „სამეფო კლუბს“ ისევ ხულენ ლოპეტეგი წვრთნის, რომელიც „ელ კლასიკოსთვის“ ემზადება.
