ქუთაისის "ტორპედომ" ევროპა ლიგის პლეი-ოფის პირველი შეხვედრა "ლუდოგორეცთან" გამართა და 0:1 დამარცხდა. ერთადერთი გოლი ბულგარეთის ჩემპიონი გუნდიდან ვანდერსონმა პირველი ტაიმის ბოლო წუთზე გაიტანა, როდესაც მარსელინიოსგან საჯარიმოში გადაცემა მიიღო, ერთ მეტოქეს გაცდა და მეკარეს შანსი არ დაუტოვა.

მთელი შეხვედრის განმავლობაში საქართველოს ჩემპიონს გოლის გატანის რეალური შანსი თითქმის არ ჰქონია. "ტორპედომ" რამდენჯერმე გაამწვავა თამაში, თუმცა მიზანს ვერ მიაღწია, რადგან სტუმრები თავს კარგად იცავდნენ. ასევე, "ლუდოგორეცს" შეეძლო რამდენჯერმე გაეტანა გოლი და ქუთაისელები მეკარემ როინ კვასხვაძემ გადაარჩინა.

ბულგარელებმა დასახულ მიზანს მიაღწიეს და სტუმრად გამარჯვება მოიპოვეს. ამით "ლუდოგორეცმა" სერიოზული ფორა შეიქმნა და ევროპა ლიგის ჯგუფური ეტაპისკენ დიდი ნაბიჯი გადადგა. საპასუხო მატჩი ერთ კვირაში 30 აგვისტოს, რაზგრადში გაიმართება.

თბილისი, "მიხეილ მესხი"

ტორპედო - ლუდოგორეცი 0:1 (0:1)

ტორპედო: კვასხვაძე, გეგეჭკორი, კობახიძე, აზაცკი, მარინი, კუხიანიძე (კუტალია 83), ცინცაძე, ჰლინკა, დოლიძე, ქიმაძე (დაფე 70), ლაჩნი (კაპანაძე 61)

მთავარი მწვრთნელი: კახა ჩხეტიანი

ლუდოგორეცი: ბროუნი, სისინიო, მოტი, ნედიალკოვი, ნათანაელი, მარსელინიო (ტერზიევი 90+5), დიაკოვი, კამპანიარო (გორალსკი 66), მისიჯანი, ვანდერსონი, კეშერუ (ლუკოკი 81)

მთავარი მწვრთნელი: პაულო აუტუორი

გოლი: 0:1 ვანდერსონი (45+1)

გაფრთხილება: ცინცაძე (4), სისინიო (35), დიაკოვი (55), დოლიძე, 58), მოტი (73)