"ბაიერნის" პრეზიდენტმა ული ჰიონესმა განაცხადა, რომ მიუნხენური კლუბი სებასტიან რუდის 15 მილიონ ევროს სანაცვლოდ არ დათმობს.
"სებასტიანი კარგი, ამბიციური ფეხბურთელია და ამბობს, რომ მცირე სათამაშო დრო აქვს. მან განგვიცხადა, რომ კლუბის დატოვების სურვილი აქვს და ამის გამო სხვადასხვა ვარიანტებს განვიხილავთ. რუდის ტრანსფერისთვის 15 მილიონი ევრო საკმარისი არ იქნება." - აღნიშნა Spox-თან საუბრისას ჰიონესმა.
გერმანული მედიის ინფორმაციით, რუდის ტრანსფერთან დაკავშირებით "ბაიერნი" მოლაპარაკებას "ლაიპციგთან" აწარმოებს. 28 წლის მოთამაშეს მიუნხენელებთან კონტრაქტი 2020 წლის ივლისამდე აქვს. გასულ სეზონში საყრდენმა ნახევარმცველმა 35 მატჩი ჩაატარა, გაიტანა ერთი გოლი და ხუთი საგოლე გადაცემა შეასრულა.
