ხორვატიის ნაკრების მთავარმა მწვრთნელმა ზლატკო დალიჩმა მსოფლიოს ჩემპიონატის ფინალში წაგების შემდეგ ისაუბრა. ბალკანელი სპეციალისტის განცხადებით, ხორვატიის ნაკრების ნაჩვენები შედეგი მათთვის სიამაყის საფუძველს იძლევა.

“პირველ რიგში მინდა მივულოცო საფრანგეთის ნაკრებს გამარჯვება. დღეს ჩვენ დამწუხრებულები ვართ, მაგრამ ამავდროულად ვამაყობთ საკუთარი თავით. პენალტის შემდეგ ჩვენთვის რთული გახდა თამაშში დაბრუნება, მაგრამ ვიმეორებ, უნდა ვიამაყოთ იმით, რაც გავაკეთეთ. რა თქმა უნდა, ვწუხვარ, რომ ტიტული ვერ მოვიგეთ, მსოფლიოს ჩემპიონატის ფინალში ასეთ პენალტის დანიშვნა არ შეიძლება, თუმცა ეს ცხოვრებაა, ეს ფეხბურთია.

მინდა მადლობა გადავუხადო ბიჭებს, რადგან ეს ყველაფერი მათი დამსახურებაა. თამაშს მილიარდობით ადამიანმა უყურა და ეს გრანდიოზული ფაქტია. ახლა მზად ვარ დასასვენებლად. ბოლო ორი თვე ძალიან რთული იყო, მაგრამ ამასთან ამ ბიჭებთან ერთად ცხოვრება შესანიშნავი”, - განაცხადა დალიჩმა.

შეგახსენებთ, ხორვატიის ნაკრებმა ისტორიაში პირველად მოახერხა მსოფლიოს ჩემპიონატის ფინალში თამაში, თუმცა საფრანგეთთან ვერაფერი გააწყო და ვერცხლის მედლებით მოუწია დაკმაყოფილება.

• ზლატკო დალიჩმა მუნდალის ფინალში წაგების შემდეგ საქართველოც ახსენა