"აინტრახტმა" ესპანელი და ფრანგი ფეხბურთელი ლუკას ტორო და ევან ნდიკა დაიმატა. აღნიშნული ინფორმაცია გერმანული კლუბის ოფიციალურმა ვებგვერდმა გაავრცელა.
23 წლის ტორო მადრიდის "რეალის" სარეზერვო გუნდში და "ოსასუნაში" 2017 წელს თავისუფალი აგენტის სტატუსით გადავიდა. გასულ სეზონში ნახევარმცველმა 39 შეხვედრაში ერთი გოლი გაიტანა და ხუთი საგოლე გადაცემა შეასრულა. მიმდინარე წლის ზაფხულში კი "რეალმა" ფეხბურთელის სანაცვლოდ ორ მილიონ ევრომდე გადაიხადა და ბუნდესლიგის კლუბში გაუშვა.
კამერუნელი ფესვების მქონე ნდიკა კი 18 წლისაა და "ოსერის" აკადემიის აღზრდილია. 2017/18 წლების სეზონში ევანმა 14 შეხვედრა ჩაატარა და ერთი საგოლე გადაცემა შეასრულა. ნდიკას საფრანგეთის თითქმის ყველა ასაკობრივ ნაკრებში აქვს ნათამაშები, ჯერჯერობით ახალგაზრდა მცველი 21-წლამდელთა ნაკრებში არ გამოუძახებიათ.
