სარეკლამო ადგილი - 1
970 x 90
ფეხბურთი

15:40 | 19.06.2018 | ნანახია 2304 - ჯერ

თემურ ქეცბაია მუნდიალზე: "ინგლისი ერთფეროვანია, რუსეთს ჯგუფიდან გასასვლელად ქულაც ეყოფა"

საქართველოს ეროვნული ნაკრების ყოფილი მთავარი მწვრთნელი თემურ ქეცბაია ვოლგოგრადში, ინგლისისა და ტუნისის ნაკრებების მატჩს დაესწრო.

ქართველ სპეციალისტთან Sport-express-მა შეხვედრის შემდეგ ინტერვიუ ჩაწერა, რომელიც მსოფლიოს ჩემპიონატს და კონკრეტულად ორ თემას შეეხო – ინგლისისა და რუსეთის ნაკრებებს:

- ალბათ სამართლიანი შედეგი არ იქნებოდა მატჩი ფრედ რომ დასრულებულიყო. ინგლისელები გამარჯვებისთვის თამაშობდნენ, შექმნეს მომენტები, თუმცა საუთგეიტის გუნდის თამაშის ხარისხი მაღალი ჯერ კიდევ არაა. ასე კი, რთული იქნება.

- რატომ, რა არ მოგეწონათ?

- გუნდს არ ჰყოფნის ფანტაზია. არ ჰყავს შემოქმედი ფეხბურთელი, რომელიც მეტოქის დაცვის ხაზს გაარღვევს. სახიფათო მომენტები აფრიკელთა კართან ფლანგებიდან და მხოლოდ კუთხურებიდან იქმნებოდა.

- რას უკავშირებთ ამას?

- ინგლისის ნაკრები ახალგაზრდული გუნდია, გამოცდილება აკლია.

- რატომ ითამაშა კაილ უოლკერმა საშინლად, როდესაც ტუნისის ფეხბურთელი წააქცია?

- ვფიქრობ, ასეთ პენალტს პრემიერლიგაში არავინ დანიშნავდა. ტუნისმა ძალიან ცოტა მომენტი შექმნა, მაგრამ დაცვაში კარგად მოქმედებდა.

- თქვენი აზრით, ინგლისის თავდასხმა პრიმიტიულად თამაშობდა?

- დიახ. არანაირი ვარირება არ მინახავს. საფრთხეს მხოლოდ ჩაწოდებებითა და კუთხურებით ქმნიდნენ. თუმცა, მთავარია, რომ სამი ქულა მოიპოვა. მაგრამ, გულწრფელად რომ ვთქვათ, ინგლისის ნაკრების შანსი მსოფლიოს ჩემპიონატზე ძალიან მცირეა.

- ვისგან ელოდებით ყველაზე მეტს ინგლისელი ფეხბურთელებიდან?

- ალბათ რაშფორდისგან. მთლიანობაში ინგლისის ნაკრებს არ ჰყავს ვარსკვლავები როგორც ადრე. ასეთი ახლა მხოლოდ ჰარი კეინია, რომელმაც თავისი მაღალი კლასი დაადასტურა. დანარჩენებიდან კი ვერავის გამოვყოფ. ტუნისმა თავი კარგად დაიცვა და ასეთ დროს შეტევა ადვილი არაა. აფრიკელებთან მესისაც გაუჭირდებოდა, მაგრამ ახლა თამაშის ხარისხზე მნიშვნელოვანი სამი ქულაა.

- ჰარი კეინს შეუძლია ტურნირის საუკეთესო ბომბარდირი გახდეს?

- რა თქმა უნდა. მას ყველაფერი აქვს და შემთხვევით არაა პრემიერლიგის საუკეთესო ფორვარდი ბოლო ორი წლის განმავლობაში. მაგრამ, გუნდიც უნდა დაეხმაროს, მარტო ამის გაკეთება რთული იქნება. თუმცა, არმგონია, რომ ინგლისის ნაკრებმა მსოფლიოს ჩემპიონატზე რამეს მიაღწიოს.

- რა არის მაქსიმუმი?

- ინგლისი ჯგუფიდან გავა, თუმცა სავარაუდოდ, მეორე ადგილით და შესაძლოა მაქსიმუმიც ეს იყოს.

- როგორ მოგეწონათ რუსეთის ნაკრებმა, რომელმაც საუდის არაბეთი დაამარცხა (5:0)?

- ტურნირის დაწყებამდე თამაშის ხარისხით ყველა იმედგაცრუებული იყო. თუმცა, კარგია, რომ რუსეთმა დიდი ანგარიშით მოიგო პირველ ტურში. რა თქმა უნდა, მეტოქეც გასათვალისწინებელია, მაგრამ 5 გოლის გატანა ადვილი არაა. ვფიქრობ, ფეხბურთელები ახლა უფრო მოტივირებულნი და თავდაჯერებულნი გახდებიან. დარწმუნებული ვარ, ეგვიპტე არაა საუდის არაბეთი და არაფერს ვამბობ ურუგვაიზე.

- რუსეთი გავა ჯგუფიდან?

- მთავარია, რომ ეგვიპტესთან არ წააგოს. ფრე კარგი შედეგი იქნება, რადგან ვფიქრობ, ეგვიპტელები საუდის არაბეთს ხუთი გოლით ვერ დაამარცხებენ.

სარეკლამო ადგილი - 25
710 x 104
Loading...

კომენტარები (6)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
01:39 | 20.06.2018
Juventino Per Sempre (148)

თემო შენი თავიც ერტფეროვნად ლაპლაპებს მაგრამ ვინმეს აქვს პრეეტენზია ?

20:58 | 19.06.2018
paata2727 (261)

ეე...პროფესორა....გეტყობა სამხრეთელებს რომ გულშემატკივრობ....ინგლისს აკლია ფანტაზია????? გუნდმა მარტო პირველ ტაიმში შექმნა 5-6 100 % მომენტი.....მეორეში ტუნის 11 კაცით ჩაჯდა და მასეთ დამცველ გუნდს აგერ მესიმაც ვერაფერი მოუხერხა...რა ფანტაზია გინდა...???? მიაპრესინგეს ტუნისი....აიძულეს კუთხური....დაუსხლტა კეინი მცველს და შეთხარა....ნეტა ასე ჩბენ გვეტამაშა....ინგლისი ძალიან მშიერი გუნდია...გამოუცდელი..მაგრამ ძაააააააან სახიფათო

19:45 | 19.06.2018
კააააააააააა (319)

ეს რომ ყოფილიყო ინგლისის ტრენერი და ჟურნალისტს ეკითხა ერთფეროვნად რატო ითამაშამეთო დედის ხახას გამოუღებდა მინაშვილს, რას ამბობთ იგნლისს 1880 წლის მერე ამდენი მომენტი ერთ თამაშში არ ქონიაო

15:59 | 19.06.2018
mjgiri (1980)

ქეცბაიამ უყურა ინგლისის თამაშს?
1-უოკერი ცენტრალური მცველის პოზიციაზე თამაშობდა,და იქ არ გამოდის თამაში.სწორედ ესაა აკიდებული პენალტის მიზეზი.
2-ინგლისს 2 სრულფასოვანი სათამაშო სქმა აქვს.გუშინდელი სქემა იყო მიმართული ბურთის სწრაფ გათამაშებაზე მოედნის მესამე მეოდხედში,რაც პირველ ტაიმში ძალიან კარგად გამოსდიოდათ.არის ვარიანტი უოკერის ლატერალად გამოყენების და დაიერის საყდენ ზონაში ჩასმის.ეგ უფრო პოზიციური შეტევისთვისაა.
3-კუთხურებს რაც შეეხება,ეს ძალიან მნიშვნელოვანია,და ამ ასპექტში ძაან მომატებული აქვთ ინგლისელებს.ეს მწვრთნელის მუშაობაზე მიუთითებს და ქეცბასთვის შეიძლება უცნაური იყოს

15:54 | 19.06.2018
federerjamesliverpooldelpotro (8923)

ინგლისზე ნაწილობრივ ვეთანხმები ნაწილობრივ არა.ინგლისი არც მე მგონია მთავარი ფავორიტი ლოგიკირად არც არის მაგრამ იმაში ვერ დავეთანხმები რო ინგლისელებს მარტივი კომბიმაციები ქონდათ და სწორხაზოვნად უტევდნენ არა პირველი ტაიმი ძაან მაგარი იყო ინგლისი ძალიან ჭკვიანური კომბინაციებით ერთადერრთი რაშიც დაადანაშაულებ გამოუყენებელი მომენტები იყო.რუსეთს რაც შეეხება ალბათ კიდევ ერთი მაღალი დონის მატჩი მიემატება ამ ტურნირს ყველაფერი სალაჰზეა მჯერა რო ეგვიპტე გავა.არამგონია მომო100%მზად იყოს მაგრამ შეეცდება მაქსიმუმს დადებს

15:53 | 19.06.2018
# KoRBeN DaLLaS # (11916)

რაო რაო თემურაამ ? ინგლისია ერთფეროვანიო ?
ოოოხ შე მრავალფეროვანო !!!

17:12 | 19.06.2018
giogobi (130)

თავის გაწვრთნილ საქართველოს ნაკრებთან შედარებით იყო ერთფეროვანიო

სარეკლამო ადგილი - 20
250 x 188
სარეკლამო ადგილი - 22
250 x 250
0.040517