ფლორენციის “ფიორენტინას” კაპიტნის, დავიდე ასტორის ცხედარს დღეს უდინეში ექსპერტიზა ჩაუტარდა. მიზეზი კი იმის დადგენა იყო, თუ რამ გამოიწვია 31 წლის ფეხბურთელის სიცოცხლის მოსპობა.
Gazzetta Dello Sport-ის ინფორმაციით, პირველადი დასკვნით თავიდანვე დასახელებული ვერსია დადასტურდა – ასტორი ბუნებრივი სიკვდილით გარდაიცვალა, ძილში გული გაუჩერდა. თუმცა, როგორც გამოძიება ამბობს, ექსპერტიზის საბოლოო სურათი ცნობილი ზუსტად ორ თვეში, 60 დღის შემდეგ იქნება.
შეგახსენებთ, რომ დავიდე ასტორი 4 მარტს, უდინეს ერთ-ერთი სასტუმროს ნომერში გარდაცვლილი იპოვეს. პროკურატურამ კი ცხედარს ექსპერტიზა ჩაუტარა, რადგან არ გამორიცხავდნენ მკვლელობის ალბათობასაც. თუმცა, როგორც გამოკვლევამ აჩვენა, დავიდეს მართლაც გული გაუჩერდა.
