კატალონიის “ბარსელონას” ნახევარმცველი ანდრეს ინიესტა შესაძლოა დამდეგი სეზონიდან ჩინეთის სუპერლიგაში ვიხილოთ. ყოველშემთხვევაში, “ბარსას” კაპიტანს ჩინური “ტიანჯინი” ფანტასტიკურ კონტრაქტს სთავაზობს.
კატალონური Sport-ის ცნობით, აზიელები ინიესტას წელიწადში 35 მილიონ ევროს ჰპირდებიან და არაა გამორიცხული, რომ ხავიერ მასკერანოს შემდეგ “ბარსელონადან’ ჩინეთში კიდევ ერთი ფეხბურთელი გადაბარგდეს.
“ბლაუგრანას” თავკაცი ერნესტო ვალვერდე კი ამაზე არ ფიქრობს:
“სათქმელი არაფერია, რადგან არასდროს მიფიქრია, რომ ინიესტამ შესაძლოა დაგვტოვოს. ის ჩვენთანაა და ჩვენი გუნდისთვის უმნიშვნელოვანესი ნაწილი იქნება სეზონის დარჩენილ ნაწილში, როგორც ყოველთვის”, - ამბობს ვალვერდე.
რაც შეეხება ინიესტას – ესპანური მედიის ინფორმაციით, ყველაფერი იმაზე იქნება დამოკიდებული თუ როგორ დასრულდება მიმდინარე სეზონი. გადაწყვეტილებასაც ანდრესი სწორედ ამის შემდეგ მიიღებს.
Пожалуйста войдите чтобы оставить комментарий Авторизация Или же Регистрация