“ბეტისმა” ნიჭიერ ნახევარმცველს ფაბიან რუისს ხელშეკრულება გაუხანგრძლივა. ანდალუსიური კლუბის ოფიციალური ვებგვერდის ცნობით, 21 წლის ფეხბურთელი “ბენიტო ვილამარინზე” 2023 წლის 30 ივნისამდე დარჩება.
ესპანური პრესა აქტიურად წერდა, რომ ახალგაზრდა მოთამაშის დამატება “ბარსელონას” სურდა, თუმცა ფაბიანმა “მწვანეებთან” ახალი კონტრაქტი გააფორმა.
რუისი, რომელიც “ბეტისის” საფეხბურთო სკოლის აღზრდილია, მიმდინარე სეზონში 19-ჯერ გამოჩნდა მინდორზე, 2 გოლი გაიტანა და 5 საგოლე გადაცემა მიითვალა.
