ლონდონის “ჩელსის” ანტონიო კონტე ზაფხულში დატოვებს, თუ მანამდე არა. ამის შესახებ ბრიტანული მედია დარწმუნებით იტყობინება. გარდა იმისა, რომ “არისტოკრატები” მიმდინარე სეზონში მაინც და მაინც ვერ ბრწყინავენ, არც თავად იტალიელი კმაყოფილი გუნდის სატრანსფერო პოლიტიკით.
ამასობაში კი, ლონდონში კონტეს შემცვლელს გამალებით ეძებენ და ორი კანდიდატურაც შეურჩევიათ. ლუის ენრიკე და მაურისიო პოჩეტინო. ფავორიტად ესპანელი სპეციალისტი სახელდება, რომელიც ზაფხულიდან მოყოლებული უმუშევარია.
რაც შეეხება კონტეს, ინგლისელი ჟურნალისტები არ გამორიცხავენ, რომ ანტონიო “ჩელსიდან” ჩემპიონთა ლიგაზე “ბარსელონასთან” მარცხის შემთხვევაში გაათავისუფლონ.
