ტურინის “იუვენტუსს” გონსალო იგუაინი დაუშავდა. როგორც იტალიური მედია იტყობინება, არგენტინელ ფორვარდს მარცხენა ხელზე მოტეხილობა აღენიშნება და დღეს ოპერაციასაც გაიკეთებს.

ამის გამო, “იუვე” წამყვან თავდამსხმელს სერია A-ს მომდევნო ტურში, “ნაპოლის” წინააღმდეგ ვერ დაიხმარს. საინტერესოა, რომ “პიპიტას” “სან პაოლოზე” დაბრუნება მომავლისთვის გადაიდო. თუ ადგილობრივ მედიას დავუჯერებთ, იგუაინი სათამაშოდ მზად 10 დღეში იქნება. მას მხოლოდ “ნაპოლისთან” და “ოლიმპიაკოსთან” მატჩები უნდა გაუცდეს, ხოლო “ინტერის” წინააღმდეგ თამაშს შეძლებს.

აქვე გეტყვით, რომ მიმდინარე სეზონში იგუაინის აქტივში 19 შეხვედრა და 10 გოლია. “ნაპოლისა” და “იუვენტუს” მატჩი კი 1 დეკემბერს გაიმართება.