ჩემპიონთა ლიგის ჯგუფური ეტაპის მატჩში “ბარსელონამ” გასვლაზე “სპორტინგს” 1:0 აჯობა. ლიონელ მესიმ კატალონიელების მაისურით ყველა ტურნირზე 593-ე შეხვედრა ჩაატარა და აღნიშნული შედეგით არგენტინელი “ბარსას” ლეგენდას კარლეს პუიოლს გაუთანაბრდა.
ამ მაჩვენებლით მესი და პუიოლი 3-4 ადგილებს იყოფენ. მეორე პოზიციას 637 მატჩით ანდრეს ინიესტა იკავებს, ხოლო “ბლაუგრანას” ისტორიაში ყველაზე მეტი 767 მატჩი ჩავი ერნანდესს აქვს ჩატარებული.
