“ლესტერის” ნახევარმცველი რიად მაჰრეზი ახალი სეზონიდან, დიდი ალბათობით, იტალიის სერია ა-ში ითამაშებს. Sky Sport Italia-ს ინფორმაციით, “რომასა” და ინგლისურ კლუბს შორის მოლაპარაკების პროცესი წარმატებით მიმდინარეობს, მხარეები შეთანხმებასთან ახლოს არიან და ალჟირელმა ფეხბურთელმა რომაელთა მაისური, შესაძლოა უახლოეს დღეებში მოირგოს.
იტალიური კლუბი 26 წლის ნახევარმცველის სანაცვლოდ 38 მილიონ ევროს იხდის.
მაჰრეზი “ლესტერის” ღირსებას 2013 წლიდან იცავს. ამ დროის განმავლობაში “მელიების” რიგებში ჩატარებულ 138 მატჩში 35 გოლი გაიტანა და გასულ წელს ინგლისის ჩემპიონის ტიტულიც მოიპოვა. მას კლუბთან კონტრაქტი 2019/2020 წლების სეზონის ბოლომდე აკავშირებს.
