როგორც თურქული მედია იუწყება, ჰოლანდიის ეროვნული ნაკრების და სტამბოლის "გალათასარაის" ნახევარმცველი ვესლი სნეიდერი დიდი ალბათობით ზამთრის სატრანსფერო პერიოდში ტურინის "იუვენტუსის" მაისურს მოირგებს.
თურქული გრანდი ფეხბურთელს ხელფასს უგვიანებს და შესაბამისად, სნეიდერიც ამ ფაქტით უკმაყოფილოა. უკვე ცნობილია, რომ ნახევარმცველის აგენტი გუიდო ალბერსი "იუვენტუსის" დირექტორს შეხვდა და სნეიდერის ტურინში თამაშის სურვილი დაუდასტურა.
ჰოლანდიელი მილანის "ინტერში" წარმატებულად ასპარეზობდა და იტალიის ჩემპიონატი მისთვის უცხო არ იქნება. ბრიტანული მედია კი სნეიდერს "მანჩესტერ იუნაიტედს" უკავშირებს.
შემტევმა მიმდინარე სეზონში 14 მატჩი ჩაატარა და სამი გოლი გაიტანა. ფეხბურთელს თურქებთან კონტრაქტი 2016 წლის ზაფხულამდე აკავშირებს.
