საჩხერის „ჩიხურას“ ნახევარმცველმა გიორგი განუგრავამ „ალტახთან“ წაგებული 0:1 მატჩის შემდგომ WORLDSPORT.GE-სთან საუბარში მატჩი შეაფასა და აღნიშნა, რომ ბევრი გამოუყენებელი მომენტების გამო დაისაჯნენ და მეტოქე გუნდმა ერთადერთი შეცდომა არ აპატიათ, თუმცა მომავალ მატჩს იმედიანად უყურებს და ამბობს, რომ ყველაფერს გააკეთებს წარმატებისთვის.

„ყველამ ვნახეთ თუ რა რთული თამაში იყო. მეტოქე ძალიან ძლიერი გვყავდა. მიუხედავად დაძაბული თამაშისა ჩვენ გვქონდა ბევრი მომენტი სადაც შეგვეძლო დამაგვირგვინებელ ფაზაში უკეთესად გვეთამაშა, თუმცა დღეს ჩვენ ვერ შევძელით ჩვენი შანსების რეალიზება და მეტოქემ ის ერთი დაშვებული შეცდომა არ გვაპატია. ვფიქრობ მთავარი ბრძოლა წინ გვაქვს და ყველაფერს გავაკეთებთ წარმატებისთვის“.

„თამაშის განხილვა ჩვენი პრეროგატივაა, მეტოქე უკეთ დაინახავს ჩვენს შეცდომებს, გააანალიზებენ და ვფიქრობ დავალებები შეიცვლება. რაც შეეხება შანსებს - „ალტახმა“ პირველი მატჩის შემდეგ მნიშვნელოვანი უპირატესობა მოიპოვა და მთავარი ბრძოლა მაინც ავსტრიაში გველის“, - გვითხრა გიორგი განუგრავამ.

შეგახსენებთ, რომ ევროპა ლიგის პირველ საკვალიფიკაციო მატჩიში საჩხერის „ჩიხურამ“ ავსტრიულ „ალტახს“ უმასპინძლა და მინიმალური ანგარიშით 0:1 დამარცხდა. რაც შეეხება განმეორებით მატჩს, 6 ივნისს გაიმართება.