იტალიური “მილანის” ხელმძღვანელობა ახალგაზრდა მეკარის ჯანლუიჯი დონარუმას ქმედებით შოკირებული და იმედგაცრუებულია. “როსონერიმ” იტალიელ ფეხბურთელს ახალი კონტრაქტი შესთავაზა, რომელზეც პასუხი 13 ივნისს უნდა მიეღო, თუმცა ჯიჯი იტალიის 21-წლამდელთა ნაკრებს შეუერთდა და კლუბის შეთავაზებაზე პასუხი არც კი გაუცია.
“მილანი” 18 წლის მეკარეს წელიწადში ხელფასის სახით 4 მილიონ ევროს სთავაზობდა, თუმცა მისი საქციელის შემდგომ კლუბის ხელმძღვანელები ფიქრობენ, რომ დონარუმას აგენტს მინო რაიოლას სხვა კლუბი ჰყავს შერჩეული.
ჯანლუიჯი დონარუმა “მილანის” მთავარ გუნდში 2015 წლის შემოდგომაზე გამოჩნდა და მას შემდეგ ძირითადი შემადგენლობის უცვლელ წევრად იქცა. ახალგაზრდა მეკარეს კლუბთან კონტრაქტი 2018 წლის 30 ივნისს ეწურება და მისი მომავალი ჯერ კიდევ გაურკვეველია.
