საქართველოს ძიუდოისტთა ნაკრები ბაქოს გრან სლემზე, პარიზის გრან სლემისა და დიუსელდორფის გრან პრისგან განსხვავებით, გადახალისებული შემადგენლობით გამოვა. სამწვრთნელო შტაბის გადაწყვეტილებით, აზერბაიჯანში 10-12 მარტს გასამართ პრესტიჟულ საერთაშორისო ტურნირზე რამდენიმე გამოცდილი ძიუდოისტის გარეშე გაემგზავრება.

ბაქოს გრან სლემი 10-12 მარტს გაიმართება და წინასწარი ინფორმაციით, მასში მონაწილეობას 32 ქვეყნის 200-მდე ძიუდოისტი მიიღებს. ირაკლი ცირეკიძის გაწვრთნილი გუნდი კი კონკურენციაში 11 ძიუდოისტით ჩაებმება.

შვიდი წონითი კატეგორიიდან ხუთში, საქართველოს ნაკრებს ორ-ორი მონაწილე ეყოლება. 100 კილოგრამში კონკურენციაში ერთი ქართველი ჩაებმება. 60 კილოგრამის სატურნირო ბადე კი ქართველის გარეშე შეივსება.

საქართველოს ნაკრები

66 კგ - თორნიკე ნაგლიაშვილი და ლაშა გიუნაშვილი

73 კგ - ლაშა შავდათუაშვილი და ომარ ნიაზაშვილი

81 კგ - თამაზ კირაკოზაშვილი და გიორგი პაპუნაშვილი

90 კგ - ნოდარ ბერიანი და უშანგი მარგიანი

100 კგ - დავით ოზბეთელაშვილი

+100 კგ - გურამ თუშიშვილი და ონისე ბუღაძე