თორნიკე ოქრიაშვილის გატანილი გოლი VIDEO “ზენიტის” კარში რუსული მედიის მთავარი სალაპარაკო თემაა. გამოცემა championat.com-მა ეს გოლი სილამაზით ზინედინ ზიდანი მიერ ჩემპიონთა ლიგის ფინალში, 2002 წელს გატანილ გოლსაც კი შეადარა.
“2002 წელს ზინედინ ზიდანის გატანილი გოლი დიდი ხანი იყო ევროპულ ფეხბურთში მთავარი მოვლენა. თუმცა, თორნიკე ოქრიაშვილის გოლიც დაახლოებით, მსგავსი მნიშვნელობის გამოვიდა. ასეთ ლამაზ გოლებს რუსეთის პრემიერლიგაში იშვიათად ნახავთ – კომენტატორთა ხმამაღალი ემოციები, გულშემატკივრების რეაქციები... ეს გოლი პრემიერლიგის რეკლამა იყო”, - წერს გამოცემა.
შეგახსენებთ, ამავე გამოცემამ გოლი ტურში საუკეთესოდ აღიარა, ხოლო უშუალოდ თორნიკე მატჩის საუკეთესო ფეხბურთელად დაასახელა.
