საქართველოს 17-წლამდელთა ნაკრებმა პოლონეთში, "სირენკას თასი" მოგებით დაიწყო. გურამ ასპინძელაშვილის ნაკრებმა 3:1 სძლია ჩრდილოეთ ირლანდიას და ნახევარფინალში გავიდა. ქართველთაგან ერთი გოლი საბურთალოელმა გიორგი ივანიაძემ გაიტანა, 22-ე წუთზე. ზურაბ დავითაშვილმა ("დინამოს აკადემია") კი დუბლი შეასრულა - მან 64-ე და მე-80 წუთებზე გამოიჩინა თავი.

საქართველო ნახევარფინალში დაუპირისპირდება უკრაინა-რუმინეთს შორის მოგებულს. ნახევარფინალები 1 სექტემბერს გაიმართება.