სანკტ-პეტერბურგის "ზენიტი" რუსეთის სუპერთასის გამარჯვებული გახდა. მირჩა ლუჩესკუს გუნდმა ქვეყნის ჩემპიონი მოსკოვის ცსკა ხოსე მაურისიოს გოლის წყალობით 1:0 დაამარცხა და აღნიშნული ტიტული მეოთხედ მოიგო.

მირჩა ლუჩესკუს ოფიციალურ მატჩში წარმატებული დებიუტი გამოუვიდა და რუმინელმა ახალ გუნდში პირველი ტიტული მოიპოვა. "ზენიტი" ქვეყნის ჩემპიონი ოთხჯერ გამხდარა, რუსეთის თასი კი სამჯერ მოიპოვა.