ბელგიის ეროვნული ნაკრების და ლონდონის "ჩელსის" მეკარემ ტიბო კურტუამ "პარი სენ ჟერმენთან" კონტაქტი უარყო და განაცხადა, 100%-ით გადაწყვეტილია "არისტოკრატთა" რიგებში ვრჩებიო.

ახალგაზრდა მეკარეს პარიზულ კლუბს უკავშირებენ. ერთ-ერთი მიზეზი ჩემპიონთა ლიგაზე თამაშია. "ჩელსი" ტურნირის მიღმა დარჩა. კურტუას კლუბთან კონტრაქტი 2019 წლის ივლისამდე აკავშირებს.

"გუნდთან სამწლიანი კონტრაქტი მაკავშირებს, ასე რომ, 100%-ით ვრჩები. ჭორები ცუდ გავლენას ახდენს იმ კლუბზე, სადაც საქმეები ცუდად მიდის. ხალხი ფიქრობს, რომ ტოპ მოთამაშეებს სურთ გუნდის დატოვება, რადგან ჩემპიონთა ლიგაზე ვერ ითამაშებენ. ყველამ იცის, რომ ლიგაზე გაუსვლელობა ჩვენი ბრალია. არასდროს მქონია კონტაქტი პსჟ-სთან." - განუცხადა Lე Pარისიენ-ს კურტუამ.

მიმდინარე სეზონში კურტუამ 28 მატჩი ჩაატარა და 34 გოლი გაუშვა. ბელგიელმა მხოლოდ 6 მატჩში შეძლო კარის მშრალად შენახვა.