უზბეკეთის პროფესიული საფეხბურთო ლიგის 24-ე ტურში ფარგონას “ნეფთჩიმ” შინ 3:2 დაამარცხა ტაშკენტის “ფაქთაქორი”. ტაშკენტელთა სასტარტო თერთმეტეულში მოხვდა კახა მახარაძე, რომელმაც 50-ე წუთზე წითელი ბარათი მიიღო.
მახარაძის გაძევებამდე, პირველ ტაიმში მსაჯმა “ნეფთჩის” მოთამაშე გააძევა. საბოლოოდ გამარჯვება მასპინძლებს დარჩათ.
24 ტურის შემდეგ 16 გუნდიან ჩემპიონატს “ფაქთაქორი” 60 ქულით ლიდერობს.
