კატალონიური “ბარსელონა” შემტევ ნახევარმცველ პედრო როდრიგესთან განშორებას არ ჩქარობს, რომელიც “მანჩესტერ იუნაიტედში” გადასვლასთან ძალიან ახლოსაა.

Sport.es-ის ცნობით, 28 წლის ფეხბურთელის ტრანსფერის შეფერხების მიზეზი ბრაზილიელი ნეიმარის ავადმყოფობაა, რომელიც ინფექციური დაავადების გამო უახლოეს თამაშებს გამოტოვებს.

აღსანიშნავია, რომ “ბარსელონას” ხელმძღვანელობა თბილისში 11 აგვისტოს გასამართ სუპერთასის მატჩში პედროს მონაწილეობას მოითხოვს, მაშინ, როდესაც “მანჩესტერს” მისი მაქსიმალურად სწრაფად მიღების იმედი აქვს, რათა 18 და 26 აგვისტოს ჩემპიონთა ლიგის პლეი ოფში “ბრიუგეს” წინააღმდეგ ათამაშოს. ცნობილია, რომ “მანჩესტერი” ტრანსფერში 30 მილიონ ევროს იხდის.