ანდალუსიური “სევილია” სატრანსფერო პერიოდში გაძლიერებას გეგმავს და როგორც ცნობილია, კლუბის ხელმძღვანელობამ თვალი ორ მოთამაშეს დაადგა. საუბარია, “სელტას” შემტევ სანტი მინაზე და “მილანის” მცველ ადილ რამიზე. აღნიშნულ ინფორმაციას პორტალი Football Espana ავრცელებს.
გალისიური კლუბის 19 წლის შემტევის სატრანსფერო ფასი დაახლოებით 10 მილიონი ევროა. გარდა ამისა, “სევილიამ” საკუთარი ფორვარდი იაგო ასპასი “სელტაში” გაანათხოვრა და როგორც ვარაუდობენ, ეს ტრანსფერი მინას გარიგების ნაწილია.
რაც შეეხება რამის, ფრანგი მცველის დამატება “ლიონსა” და “პარის სენ-ჟერმენს” სურთ და ამ მხრივ, “სევილიას” სერიოზული კონკურენტები ჰყავს. 29 წლის მცველს “მილანთან” მოქმედი კონტრაქტი 2017 წლამდე აკავშირებს და 7 მილიონი ფუნტი ღირს.
აღსანიშნავია, რომ “სევილიამ” ერთი მოთამაშე უკვე დაიმატა “სელტადან”. ანდალუსიური კლუბი გამოცდილი ნახევარმცველით მიკაელ კრონ-დელით გაძლიერდა.
