ჩემპიონთა ლიგის მეოთხედფინალში მადრიდის “ატლეტიკოსთან” გამარჯვების შემდეგ იტალიელმა მწვრთნელმა კარლო ანჩელოტიმ მექსიკელი ფორვარდი ხავიერ ერნანდესი შეაქო.
“ხავიერმა ბრწყინვალედ ითამაშა, მან დაძაბულ თამაშში მაღალი კლასი აჩვენა. მიმდინარე სეზონში ჩიჩარიტოს ხშირად არ უწევდა თამაში, “ატლეტიკოსთან” თამაშის წინ ვკითხე შეეძლო თუ არა მოედანზე გასვლა, რაზეც დადებითად მიპასუხა. ის ნამდვილი პროფესიონალია და ამით ბედნიერი ვარ, - აღნიშნა ანჩელოტიმ.
“ჩემმა ფეხბურთელებმა კარგად გადაჭრეს დაბრკოლებები. მატჩის მიწურულს მიღწეული გამარჯვება ორმაგად სასიხარულოა. თამაშს ვაკონტროლებდით, მეტოქეს კი არ მივეცით კონტრშეტევების განხორციელების საშუალება, რაც ძალიან მნიშვნელოვანი ფაქტორია”, - დაასრულა “რეალის” მწვრთნელმა.
შეგახსენებთ, ჩემპიონთა ლიგის მეოთხედფინალურ სტადიაზე მადრიდული კლუბების პირველი დაპირისპირება “ვისენტე კალდერონზე” ფრედ 0:0 დასრულა, საპასუხო მატჩში კი “სამეფო კლუბმა” ჩიჩარიტოს ერთადერთი გოლით მოიპოვა გამარჯვება.
