კატალონიის "ბარსელონას" ამჟამინდელმა და იტალიური "მილანის" ყოფილმა სპორტულმა დირექტორმა არიედო ბრაიდამ იტალიურ მედიასთან საუბარში გაიხსენა, რომ თავის დროზე ადრიანო გალიანი ანდრეი შევჩენკოს ტრანსფერის წინააღმდეგი იყო.
"როცა შევჩენკოს თამაში ვნახე ძალიან მომეწონა. შემდეგ მე და გალიანი კიდევ ერთხელ წავედით მისი თამაშის საყურებლად. იმ საღამოს შევჩენკოს კარგად არ უთამაშია და ადრიანოს მისი შეძენა არ უნდოდა. თუმცა, მე მისი ყიდვა გადაწყვეტილი მქონდა. საბოლოოდ, მან მოირგო ის მაისური, რომლითაც "ოქროს ბურთიც" მოიგო", - განაცხადა ბრაიდამ.
ანდრეი შევჩენკო ლომბარდიულ გუნდში კიევის "დინამოდან" 1999 წელს გადავიდა და გუნდის ღირსება 2006 წლამდე დაიცვა. შემდეგ კი 2008-2009 წლების სეზონში "სან სიროზე" დაბრუნდა, მაგრამ ძველი შევჩენკოსგან მხოლოდ აჩრდილიღა იყო დარჩენილი.
