10:29 | 01 ივნისი, 2010

თავის ჯეელობაში, მარტინ პალერმოს ნათქვამი აქვს, რომ მისი საყვარელი გართობა ზღაპრების კითხვაა და თუკი, თავისუფალი დრო აქვს, უსაქმურად ყიალს, დივანზე წამოდრანგვა და ზღაპრების წიგნის ფურცვლა ურჩევნია.

10:37 | 30 მაისი, 2010

როდესაც სახლში დაღლილი და ოდნავ გაბოროტებული ბრუნდები, განმუხტვის ყველაზე კარგი საშუალება, სახლთან ახლომდებარე მინი-სტადიონზე წასვლა და უბნის ბავშვების ფეხბურთის თამაშის ცქერაა. ზიხარ შენთვის და შესცქერი ბავშვებს, რომლებიც დაუზარელად ღვრიან ოფლს და თან დიდი ფეხბურთელის სახელებსაც ითითოვებენ. 11 წლის ლაშა კრიშტიანუ რონალდუობას იჩემებს, პატარა ლუკას ლეო მესიობაზე აქვს პრეტენზია, კარებში ჩამდგარი პუტკუნა გიორგი კი, ჯანლუიჯი ბუფონობაზე დებს თავს. ჩვენი ბავშვობიდან მოყოლებული ასე იყო, უბრალოდ ბავშვების კუმირების სახელები შეიცვალა და სხვა არაფერი...

09:48 | 17 მაისი, 2010

მალტასთან ახლოს მდებარეობს ციცქნა კუნძული, სახელად გოცო, რომელიც ტერიტორიულად მალტასვე ეკუთვნის. რით შეიძლება გამხდარიყო კუნძული გოცო ქართველებისათვის საინტერესო? ძალიან ბევრიც რომ იფიქროთ, მაინც გაგიჭირდებათ ამის მიხვედრა... 31 მაისიდან ექვს ივნისამდე, კუნძულ გოცოზე იმართება უცნაური სახელწოდების საფეხბურთო ტურნირი, რომელსაც viva world cup-ი ჰქვია. ამ ტურნირზე, არაღიარებული ე.წ. სახელმწიფოების, ე.წ. საფეხბურთო ნაკრებები მონაწილეობენ (მთიანი ყარაბახი, ბასკეთი, დნესტრისპირეთი, ჩეჩნეთი და სხვა... თუმცა რამდენი ე.წ.-ც არ უნდა ვიძახოთ, ფაქტია, რომ ტურნირის ფრანგ ორგანიზატორს, ვინმე ჟან ლუკ კიტის, ეს ყველაფერი... რბილად, რომ ვთქვათ, დიდად არ აღელვებს.

10:12 | 14 მაისი, 2010

ბრაზილიაში ხშირად ხუმრობენ ხოლმე: რონალდოს რამდენიც საყვარელი ჰყავს, იმდენი ფული რომ ჰქონდეს, მსოფლიოში ყველაზე მდიდარი კაცი იქნებოდაო. რონალდო ის კაცი არ არის, ხუმრობაზე რომ ბრაზდებოდეს. ჭეშმარიტი ლათინომერიკელის მსგავსად, მასაც მხიარული ადამიანის სახელი აქვს გავარდნილი. თუმცა, მხოლოდ ქალებზე და კარგ ხასიათზე როგორ უნდა ვისაუბროთ, როდესაც რონალდოზე ვლაპარაკობთ...

10:03 | 07 მაისი, 2010

პოლონეთსა და უკრაინაში 2 წლის შემდეგ გასამართი ევროპის საფეხბურთო ჩემპიონატის გარშემო, ბოლო დროს მრავალი გაურკვევლობა წარმოიშვა. ევროპული სპორტული გამოცემები სულ უფრო ხშირად წერენ იმის შესახებ, რომ უკრაინული მხარე, უეფასადმი მიცემულ პირობებს ძალიან ცუდად და წელათრევით ასრულებს, რის გამოისობითაც, უეფას ფრანგი პრეზიდენტი უკრაინელებს უკვე ორჯერ დაემუქრა – თუ სტადიონებისა და სასტუმროების შენებას არ დააჩქარებთ, ჩემპიონატის მასპინძლის სტატუსს დაემშვიდობეთო.

10:10 | 26 აპრილი, 2010

ცოტა ხნის წინათ, ერთ-ერთი ქართული არასამთავრობო ორგანიზაციის წევრი, ცოტა უცნაური ადამიანი გავიცანი, რომელიც მსოფლიოს საფეხბურთო ჩემპიონატის დაწყებას ისეთი დიდი მოლოდინით მოელის, რომ საკუთარ სამუშაო კომპიუტერში მსოფლიოს ჩემპიონატამდე დარჩენილი დღეებისა და წამების უკუღმა მთვლელი დიდი ციფერბლატი აქვს დაყენებული და როდესაც მსოფლიოს ჩემპიონატზე პირველი მატჩის დაწყების ჟამი ჩამოჰკრავს, მისი კომპიუტერის დინამიკებში გერმანიის ეროვნული ჰიმნი გაისმება (ადვილი მისახვედრია, ვისი ქომაგიც ყოფილა).  

10:01 | 23 აპრილი, 2010

მილანის “ინტერნაციონალე” ის კლუბია, რომელიც ლამის დაარსების დღიდანვე გრანდად იქცა, მაგრამ იტალიური ფეხბურთის სახედ და სიმბოლოდ კი ვერა და ვერ დამკვიდრდა. “ინტერის” მართლაც რომ ბრწყინვალე საფეხბურთო ისტორიის განმავლობაში, ამ კლუბმა “სკუადრა აძურას” და არამხოლოდ მას, უამრავი მეგავარსკვლავი გაუზარდა. ამ კლუბში არაერთი დიდებული მწვრთნელი და გონიერი საფეხბურთო ფუნქციონერი მოღვაწეობდა...

11:43 | 12 აპრილი, 2010

როდესაც ქართველი ჯარისკაცი ხარ, გაუმწესებიხარ საქარველოს ოკუპირებული რეგიონის სწორედ იმ მონაკვეთზე, საიდანაც უდურბინდოდაც კარგად მოსჩანს რუსი ოკუპანტების მუდამჟამს გალეშილი სიფათები, მკვეთრად მოისმის რუსული ტანკების ღმუილის ხმა და ყოველ ღამეს ჩვენს მხარეზე გადმოპარული მშიერმუცელა და საჭმლის მაძებარი სეპარატისტების დევნაში უნდა იყო, ამ დროს დღენიადაგ სხვა რაზე უნდა იფიქრო, თუ არა ომსა და უბედურებაზე...  

09:50 | 06 აპრილი, 2010

თქმა არ უნდა, ძალიან ნაადრევია იმაზე მსჯელობა, თუ ვინ გახდება წლევანდელ სეზონში მსოფლიოს საუკეთესო ფეხბურთელი. ყველაფერს რომ თავი დავანებოთ, წინ მსოფლიოს ჩემპიონატია და როგორც წესი, საუკეთესო ფეხბურთელის წლის ბოლოს დასასახელებლად, განმსაზღვრელი სწორედ მსოფლიოს ჩემპიონატი და ფეხბურთელების, კონკრეტულად ამ ტურნირზე გამოსვლა იქნება.

12:12 | 05 აპრილი, 2010

დიეგო მარადონას სკანდალებით გაძეძგილ ცხოვრებას კიდევ ერთი, მორიგი არაბანალური სკანდალი დაემატა. არგენტინის ეროვნული გუნდის არაშთამბეჭდავი თამაშის გამო გაბრაზებული ინჩადას ჯავრი დიეგოსავე ძაღლმა ამოიყარა, რომელმაც საკუთარ პატრონს შიგ სახეში მახვილი კბილები ჩაასო და ეს მრავლისმნახველი კაცი ისეთ ხმაზე ააბღავლა, 1986 წელს გაჩემპიონების დროსაც კი რომ არ უბღავლია... ხალხს სალაპარაკო კიდევ ერთხელ მიეცა, თორემ სხვა თვალით რომ შეხედო, დიდი ამბავი?! ვინ არ დავუკბენივართ საკუთარ თუ მეზობლის დიდსა თუ პატარა ძაღლებს

09:47 | 23 მარტი, 2010

საქართველოსა და რუსეთის ნაკრებებს შორის სარაგბო შეხვედრაში ჩვენმა მორაგბეებმა კიდევ ერთხელ დაამტკიცეს, რომ მონდომებასა და გამარჯვების ჟინს ნამდვილად ბევრი შეუძლია. ეს დიდებული გამარჯვება ალბათ კიდევ დიდი ხნის განმავლობაში ემახსოვრებათ როგორც ქართველ, ასევე რუს რაგბის მოყვარულ გულშემატკივრებს. თუმცა, ტრაბზონული მატჩი ყველაფერთან ერთად იმითაც იყო გამორჩეული, რომ დამოუკიდებელი საქართველოს ისტორიაში აქამდე საქართველოს ფარგლებს გარეთ საქომაგოდ ერთად ამდენი გულშემატკივარი არცერთ ქართულ გუნდს არ გაჰყოლია.