ჩილეს ფეხბურთელთა ეროვნული ნაკრების ერთ-ერთ ლიდერი არტურო ვიდალი მსოფლიო ჩემპიონატისთვის სრულად გამოჯანმრთელებას იმედოვნებს.
ტურინის “იუვენტუსის” ნახევარმცველი მუხლის ტრავმის გამო ჩილეში მაისის შუა რიცხვებში გაემგზავრა. იტალიური Tuttosport-ის ინფორმაციით, მისი რეაბილიტაციის პროცესი წინასწარ დადგენილი გეგმის მიხედვით მიმდინარეობს.
განვლილ სეზონში ვიდალმა იტალიის ჩემპიონის რიგებში 32-ჯერ ითამაშა და 11 გოლი გაიტანა.
