ქართველი ანა ტატიშვილისა და რუსი ვალერია სავინიხის წყვილმა, საფრანგეთის ქალაქ კან სურ მერის ტურნირის (საპრიზო ფონდი 100 ათასი დოლარი) მეოთხედფინალში უბრძოლველად გააღწია. ანასა და ვალერიას, იტალიელ კამერინთან და ფრანგ ფორეც-გაკონთან უნდა ეთამაშათ, თუმცა, მეტოქეები კორტზე არ გამოცხადდნენ.
მეოთხედფინალში, ქართულ-რუსული წყვილი “უაილდ ქარდით” მოასპარეზე ფრანგებს (დე გუბერნატისი-ფერანდი) დაუპირისპირდება.
უზბეკეთში, ბუხარას 25-ათასიანი ტურნირის მეოთხედფინალში მე-2 ნომრად განთესილმა ოქსანა კალაშნიკოვამ და ბელორუსმა პოლინა პეხოვამ უკრაინელები – იანჩუკი და შკუდუნი 6:2, 7:6 (7:0) დამარცხეს, ფინალში “გადასასვლელ” შეხვედრაში კი, კორეელ ჰანთან და ჩინელ ლიანგთან 3:6, 2:6 დამარცხდნენ.
