საქართველოს 17 წლამდე ფეხბურთელთა ნაკრებმა (1998 წელს დაბადებულები), რომელსაც გოჩა ტყებუჩავა წვრთნის, მაკედონიაში Development Cup-ის ტურნირი წარმატებით დაიწყო.

სკოპიეში ჩატარებულ პირველ შეხვედრაში ქართველებმა სომეხი თანატოლები 1:0 დაამარცხეს. გამარჯვების გოლი ირაკლი ბუღრიძემ გაიტანა. ტყებუჩავას შეგირდებს ანგარიშის გაზრდაც შეეძლოთ, მაგრამ პენალტი ვერ გამოიყენეს.

23 აპრილს ქართველი 17-წლამდელები კვიპროსელებს შეხვდებიან.