საერთაშორისო სტუდენტური ლიგის “ბ” ჯგუფში მოასპარეზე სტუ-მ (საქართველოს ტექნიკური უნივერსიტეტი), მსუ-სა (მოსკოვის სახელმწიფო უნივერსიტეტი) და რესუ-თან (როსტოვის ეკონომიკის სახელმწიფო უნივერსიტეტი) წაგების შემდეგ, ამჯერად რსფუ (როსტოვის სამხრეთის ფედერალური უნივერსიტეტი) 98:89 დაამარცხა და მომდევნო ეტაპზე ასპარეზობის უფლება ვადაზე ადრე მოიპოვა. ამ შეხვედრაში ყველაზე მეტი 34 ქულა სტუ-ს მძიმე ფორვარდმა ირაკლი ალხანაიძემ დააგროვა. 29 ქულით მასპინძელთა შორის ყველაზე შედეგიანი ილია სკაპენკო იყო. აღნიშნული გუნდების პირველი შეხვედრაც სტუ-მ მოიგო, რომელმაც მეტოქე თბილისში უფრო დამაჯერებელი ანგარიშით – 90:71 დაამარცხა.
ჯგუფური ეტაპი უკვე დაასრულა მსუ-მ, რომელიც პირველ ადგილზე იმყოფება. მსუ-თან ერთად მომდევნო ეტაპის საგზური ხსპი-მ (ხარკოვის სახელმწიფო პოლიტექნიკური უნივერსიტეტი) და სტუ-მ მოიპოვეს. მე-4 საგზურისთვის რსფუ და კპი (კიევის პოლიტექნიკური უნივერსიტეტი) იბრძვიან.
სტუ-ს ერთადერთი შეხვედრა ხსპუ-სთან აქვს დარჩენილი. ეს თამაში თბილისში ჩატარდება.
რსფუ-სტუ 89:98
(10:30, 33:221, 21:27, 25:20)
სატურნირო მდგომარეობა 18 დეკემბრისთვის
| მსუ | 10 | 8 | 2 | 18 |
| სტუ | 9 | 5 | 4 | 14 |
| ხსპუ | 7 | 6 | 1 | 13 |
| კპი | 8 | 3 | 5 | 11 |
| რსფუ | 8 | 2 | 6 | 10 |
| რსეუ | 8 | 1 | 7 | 9 |
