სოფო შაფათავას და უკრაინელი ანასტასია ვასილიევას წყვილმა, რომელიც იტალიის ქალაქ ბეინასკოში მიმდინარე საერთაშორისო ტურნირზე (საპრიზო ფონდი 25 ათასი დოლარი) მე-2 ნომრადაა განთესილი, ნახევარფინალში გასვლა მოახერხა.

ქართველმა და უკრაინელმა ჩოგბურთელებმა იტალიელ ალბერტა ბრიანტისთან და უნგრელ რეკა-ლუკა იანისთან პირველი სეტი დათმეს, საბოლოო ჯამში კი, 4:6, 6:4, 10:7 იმარჯვეს.

ნახევარფინალში შაფათავა და ვასილიევა მე-4 განთესვის მქონე იტალიელებს – ნიკოლ კლერიკოს და ჯულია გატო-მონტიკონეს გაეჯიბრებიან.