სუპერლიგის მონაწილე “სოხუმის” ცენტრალური თავდამსხმელი, ჯერემი საიმონსი (11.08.89, 204სმ) ავადმყოფობის გამო ვერ ვარჯიშობს. ამის შესახებ “მსოფლიო სპორტს” “სოხუმის” მთავარმა მწვრთნელმა ვაჟა კვარაცხელიამ განუცხადა.

“საიმონსი გრიპის ვირუსითაა ავად და ამის გამო რამდენიმე ვარჯიში გააცდინა. იგი მალე განაახლებს ვარჯიშს და რეგულარული ჩემპიონატის ბოლოსწინა მე-8 ტურში, 5 აპრილს “შსს აკადემიას” წინააღმდეგ აუცილებლად ითამაშებს” – გვითხრა კვარაცხელიამ.